ဝက်စ်ဟမ်းအတွက်ပွဲဦးထွက်မှာခြေစွမ်းပြခဲ့တဲ့ လင်ဂတ်ကို ရက်ဖို့ဒ်၊ ဘရူနိုဖာနန်ဒက်စ်တို့အပါ အဝင်မန်ယူအသင်းဖော်တွေ ဝိုင်းဝန်းချီးကျူး

မန်ယူအသင်းက​နေ ဝက်​စ်​ဟမ်းကို အငှါးလာ​ရောက်​ကစား​နေတဲ့ ကွင်းလယ်​ကစားသမား လင်​ဂတ်​ဟာ အသင်းအတွက်​ပွဲဦးထွက်​မှာ​ခြေစွမ်းပြနိုင်​ခဲ့တာ​ကြောင့်​ရက်​ဖို့ဒ်​၊ ဘရူနိုဖာနန်​ဒက်​စ်​တို့အပါအဝင်​ မန်​ယူအသင်း​ဖော်​တွေက ဝိုင်းဝန်းချီးကျူးခဲ့ကြပါတယ်​။

အင်္ဂလန်​ကွင်းလယ်​ကစားသမား လင်​ဂတ်​(၂၈နှစ်​)ဟာ မန်​ယူအသင်းမှာပွဲထွက်​ခွင့်​ပျောက်​ဆုံး​နေတာ​ကြောင့်​ပြီးခဲ့တဲ့အ​ပြောင်းအ​ရွှေ့ကာလမှာ ဝက်​စ်​ဟမ်းကို​ရာသီကုန်​အထိ အငှါးစာချုပ်​နဲ့ ​ရောက်​ရှိလာခဲ့တာပါ။ လင်​ဂတ်​ဟာ ဝက်​စ်​ဟမ်းအသင်းအတွက်​ပထမဆုံးပါဝင်​ကစားတဲ့ အက်​စတွန်​ဗီလာအသင်းကို (၃-၁)ဂိုးနဲ့အနိုင်​ရတဲ့ပွဲမှာ​အသင်းအတွက်​ခြေ စွမ်းပြကာ ၂ဂိုးသွင်းယူ​ပေးခဲ့ပါတယ်​။

အက်​စတွန်​ဗီလာနဲ့ပွဲဟာ လင်​ဂတ်​အတွက်​ဒီရာသီ ပထမဆုံးကစားရတဲ့ပရီးမီးယားလိဂ်​ပွဲစဉ်​လည်းဖြစ်​ပြီး အသင်းသစ်​အတွက်​ပွဲဦးထွက်​မှာ ​ခြေစွမ်းပြနိုင်​ခဲ့လို့ မန်​ယူအသင်း​ဖော်​တွေက​ကျေနပ်​ပျော်​ရွှင်​ခဲ့ကြပါတယ်​။ လင်​ဂတ်​က အင်​စတာဂရမ်​မှာ ” ပြီးပြည့်​စုံတဲ့ ပွဲဦးထွက်​၊ ၂ဂိုးသွင်း၊ ၃မှတ်​ရ” လို့ Caption နဲ့ပို့စ်​တင်​ခဲ့တာကို ရက်​ဖို့ဒ်​က ” Congrats Bro”လို့​comment​ရေးကာ အ​ပျော်​မျှ​ဝေခဲ့ပါတယ်​။ ဘရူနိုဖာနန်​ဒက်​စ်​က အံ့သြတဲ့ emoji​ရေးသားခဲ့သလို​အေစီမီလန်​မှာ အငှါးသွားကစားနေတဲ့​နောက်​ခံလူ ဒါ​လော့ကလည်း “သူပြန်​လာပြီ” လို့ ချီးကျူး​ရေးသားခဲ့ပါတယ်​။

ဒါ့အပြင်​လုခ်​ရှော၊ မက်​ဂွိုင်းရား၊ တာဟစ်​ချောင်​၊​လေဗာကူဆင်​ပြောင်း​ရွှေ့သွားတဲ့ ဖိုဆူမန်​ဆာတို့ကလည်း လင်ဂတ်ကို​ချီးကျူးခဲ့ကြပါတယ်​။ မန်​ယူအသင်းနည်းပြ​ဟောင်း မိုယက်​စ်​လက်​ ​အောက်​မှာ​ခြေစွမ်းပြနိုင်​ပါက လင်​ဂတ်​အ​နေနဲ့ အင်္ဂလန်​အသင်းရဲ့ယူရို-၂၀၂၀လူစာရင်းမှာ ပါဝင်​နိုင်​ဖို့​မျှော်​လင့်​နိုင်​မှာပါ။ ဝက်​စ်​ဟမ်း အသင်းရဲ့နိုင်​ပွဲကို အင်္ဂလန်​လက်​ရွေးစင်​အသင်းနည်းပြ​ဆောက်​ဂိတ်​လာ​ရောက်​ကြည့်​ရှုခဲ့ပြီး မိုယက်​စ်​က​တော့ ယူရိုပြိုင်​ပွဲအတွက်​ လင်​ဂတ်​အ​ရွေးခံရလိမ့်​မယ်​လို့ ယုံကြည်​နေပါတယ်​။

Daily Mail

Be the first to comment

Leave a Reply

Your email address will not be published.


*